Аялал жуулчлалын тогтвортой хөгжлийн төв төрийн бус байгууллага нь 2006 онд байгуулагдсан бөгөөд зорилго нь Монгол орны аялал жуулчлалын үйлдвэрлэлийн үндсэн нөөц болох үзэсгэлэнт байгаль, түүх, соёлын өв дурсгал, нүүдэлчин амьдралын хэв маяг, уламжлалт зан заншлыг аялал жуулчлалд зөв зохистой ашиглан байгаль орчин, нийгэм, соёл, эдийн засгийн хувьд эерэгээр төлөвлөн тогтвортойгоор хөгжүүлж хойч ирээдүйдээ өвлүүлэх үйлсэд хувь нэмэрээ оруулахад оршино.

Нийгэмлэгийн товч түүх:
2006 оны 12 сард "Аялал жуулчлалыг хамтдаа хөгжүүлье" АЖ-н их, дээд сургуулийн оюутнуудын анхны тэмцээний үеээр аялал жуулчлалын багш нар "хамтран ажиллах, харилцан мэдлэг туршлага солилцох" зорилгоор төрийн бус байгууллага байгуулахаар шийдвэрлэсэн. 2007 оны 3 сард нийгэмлэгийг үүсгэн байгуулж дүрмээ боловсруулж, Удирдах зөвлөлийн гишүүдийг баталж үйл ажиллагаагаа эхэлсэн.