2009 - 2010 оныг дамнуулан 3 австрали залуу Монголын хойд хилийн Алтанбулагийн боомтоос өмнөд хилийн Замын Үүдийн боомт хүртэл 950 орчим км замыг kite skiing буюу шүхэрт цанаар тууллаа. Тэдний аялал 28 хоног үргэлжилж Монголын хүйтэн өвлийн цаг агаарын хүнд нөхцөлд аяллаа амжилтай явуулж дуусгалаа. Тэдний аяллыг аялал жуулчлалын Монголиа Экспедишнс ХХК ивээн тэтгэж, газар орон дээр аяллыг зохион байгууллаа. 

Эл аяллын багийн зорилго нь Монгол орны хойд хилээс өмнөд хил хүртэлхи замыг нүүрс хүчлийн хий ялгаруулдаг тээврийн хэрэгсэл ашиглахгүйгээр зөвхөн ердийн хөсөг ашиглан туулах явдал байлаа.  Тэд морь, тэмээ унан, цаг агаарын таатай нөхцөлд шүхэрт цанаа хөлөглөн явсаар аяллаа амжилттай дуусгалаа.  Дэлхийн дулаарлын эсрэг хүн төрөлхтөнийг нэгдээсэй гэсэн хүсэл зорилгыг өвөрлөж энэ аяллыг явуулсан юм.  Дэлхийн дулаарлын улмаас сүүлийн жилүүдэд Монгол оронд цөлжих үйл явц эрчимтэй явагддаж буй тул Монголыг сонгожээ.  Бид энэхүү аяллыг зохион байгуулах явцдаа Монгол оронд өвлийн адал явдалт аяллын төрөл болох kite skiing буюу шүхэрт цаныг хөгжүүлэх боломжтой юм байна гэсэн бодол төрж байсан.  Монгол улс бол салхины эх орон. Өдөр болгон л салхилж байдаг.  Энэ нь бидэнд салхины хүчийг ашиглан аялах аялагчдыг татах боломжийг бий болгож байна.

Салхины хүчийг ашиглан аялладаг олон төрөл бий.  Kite skiing, snowboard, kite sandboard, kitebuggy гэх мэт олон төрөл байдаг бөгөөд энэ төрлийг сонирхогчдын тоо маш хурдацтай өсч байгаа. Үүний нэг нь төрөл болох kite buggy буюу шүхэрт тэргэнцэрийн аяллыг хэдэн жилийн өмнө баруун монголоос өмнийн говь хүртэл 1000 км замыг туулах аяллыг байгуулж байсан бөгөөд аялалд оролцогчид Монголыг салхины эх орон юм гэж хэлж байсан.

Иймд Монголын аялал жуулчлалын салбарынхан энэ тал дээр ажиллах хэрэгтэй. Kite skiing, kite snowboard -ын төрлийг хөгжүүлбэл Монголын өвлийн аялал жуулчлалд бас нэг алхам болж өгнө дөө.

эх сурвалж: Mongolia-Expeditions